ဒစုႝဒစး ေသှာဝ္ ၂၀၀၈ တုဲ ခ်ဴဓဇက္ေသှာဝ္တဿိေရာင္ UNFC ဟုီ

သြက္ေသၢာံဒက္ပၲန္ ကဿိန္ဍဳင္ပံင္ေကာံဖက္ဒေရဝ္ေဇတ္ေဇတ္ဂွ္ ဒစုႝဒစးေကၜံၜံ ေသှာဝ္ ၂၀၀၈ တုဲ ကေလင္ခ်ဴဓဇက္ ေသှာဝ္သဇိုင္တဿိေရာင္ သာ္ဝြံ ႏူသဘင္သ႘ကၜ႘ ေကာန္ဍဳင္အရင္ တုပ္စိုတ္ေဖ်ံဏာသၢဳတ္သြာတ္ရ။

“ေသှာဝ္ ၂၀၀၈ ဏံဂွ္ ဒက္ပၲန္ကဿိန္ဍဳင္ဖက္ဒေရဝ္ ဟြံဂြံပုဟ္။ ပေလဝ္ေဍံေလဝ္ ဝါတ္ေဏာင္။ ဟိုတ္ဂွ္ရ ဒးကေလင္ခ်ဴဓဇက္တဿိေဏာင္” သာ္ဝြံ ဖက္ေဆာညးအုပ္ကာနာနာ UNFC ေဃာန္ဥကၠာ ဟုီရ။

ေပဲါေသာင္ကလးပ႐ိုင္ UNFC မေကၜာန္သၸ ပႜဲဍဳင္ဇင္မာဲ၊ ကဿိန္ဍဳင္ေသံ ပႜဲဂိတုအဝ္ဂါတ္ ၂၊ ၂၀၁၃ (Photo - လင္းသန္႔/ဧရာ၀တီ)

သဘင္သ႘ကၜ႘ဝြံ ကံင္ၿဇ႘ဖက္ဒေရဝ္ ဂကူေကာန္ဍဳင္အရင္ည႘သဿဟ္ ေကာ္ UNFC ဍိဳက္ကႜိဳပ္ ေကၜာန္ဗဒွ္ဏာ ႏူဂိတုဂ်ဴလာင္ ၂၉ စုႝ ၃၁ ပြိဳင္ ၃ တၛဲ ပႜဲဍဳင္ဇင္မာဲ၊ ကဿိန္ဍဳင္ေသံရ။

သဘင္သ႘ကၜ႘ဝြံ ညးစှးဂေကာံပၜန္ဂတးရပ္လြဟ္ ေကာန္ဍဳင္အရင္ ၁၈ ဂေကာံ မပါလုပ္သုီ UNFC ကုီ၊ ညးစှး ဂေကာံမဟာမိတ္ ေကာန္ဍဳင္အရင္ည႘သဿဟ္ (UNA) ကုီ၊ ညးစှး ေဗာ္ပေရင္ဍဳင္ကြာန္ ေကာန္ဍဳင္အရင္ အပႜဲဍဳင္ ၄ ေဗာ္ကုီ၊ ညးစှး ဂေကာံသဿတ္၊ ဂေကာံညးျဗဵဂမၜိဳင္ကုီ၊ ညးစှး ဂေကာံမဟာဇန္ဂမၜိဳင္ကုီ၊ ညးစှး ႏူဂေကာံေကာန္ဍဳင္အရင္ မစိုပ္ဍဳင္သအာင္ဂမၜိဳင္ကုီ၊ တၜပညာဂမၜိဳင္ကုီ၊ ပူဂိုလ္ မတိုင္ကဿဟ္ကုႝ ပေရင္ေကာန္ဍဳင္အရင္ဂမၜိဳင္ကုီ သုီဖအိုတ္ လဿိဟ္ ၁၂၂ တၜ တိုန္စိုပ္အိုတ္ရ။

သြက္ေသၢာံခ်ဴဓဇက္ေသှာဝ္တဿိဂွ္ UNFC ေကုာံ UNA ဍိဳက္ကႜိဳပ္တုဲ ျဇဟတ္ဒ႘မဝ္ကေရၿဇ႘ဂမၜိဳင္၊ ဂေကာံသဿတ္၊ ဂေကာံညးျဗဵ၊ ဂေကာံဒတုႝဖုႝမဟာဇန္ ေကုာံ ဂေကာံတှဟ္သအာင္ဂမၜိဳင္ ပါလုပ္ဒက္ပၲန္ ကမၼတ႘ခ်ဴဓဇက္ ေသှာဝ္အေျပာံေရာင္ဂွ္ေလဝ္ UNFC ဟုီရ။

ယဝ္ဒက္ပၲန္ ကဿိန္ဍဳင္ပံင္ေကာံဖက္ဒေရဝ္မၢး ဒးႏြံကုႝ ဒပ္ပှာန္ဖက္ဒေရဝ္ေရာင္ မဒွ္တုဲ ဒပ္ပှာန္ကဿိန္ဍဳင္ဂွ္ေလဝ္ ဒးျပံင္လွာဲ ဗုီျပင္ဒပ္ပှာန္ဖက္ဒေရဝ္ေရာင္ ညးတိုန္စိုပ္ သဘင္သ႘ကၜ႘တံ တုပ္စိုတ္အိုတ္ရ။

“ဒပ္ပှာန္ဖက္ဒေရဝ္ဟုီဂွ္ ဇကုကုႝဇကု ဂြံဗက္ဗတိုက္ညးသကအ္ ဟြံေသင္ပုဟ္။ ဒပ္ပှာန္စုႝဒှာကဿိန္ဍဳင္ေဏာင္။ တုဲပၜန္ ေကာန္ဍဳင္အရင္တံ ဂြံပါလုပ္ကုႝ ေသှာတ္ဗၞတ္မာန္၊ ဂြံေသာင္ကလးျပသှာ နနဲဍိဳန္ဍိဳန္ၐတ္ၐတ္ေဏာင္ ဒးဒက္ပၲန္ဂွ္” သာ္ဝြံ ဒု-ဥကၠ႒ UNFC ဖဒုႝသဝ္ေဒေဗတ္တာကပဝ္ ဟုီရ။

သအာင္ႏူဂွ္ပၜန္ UNFC ေကုာံ ဂေကာံျဇဟတ္ဒ႘မဝ္ကေရၿဇ႘ အပႜဲဍဳင္ မၛးဍဳင္ ၈ ဂေကာံတံ ထပ္ပႛ႘ပႛပ္သ႘ကၜ႘တုဲ သြက္ေသၢာံဓမံက္႐ုပ္ရဵ ေလဿင္ကေမၜာန္အဓာန္ဂတ မြဲစြံဂွ္ ကလိဂြံတင္တုပ္စိုတ္အိုတ္ရ။ အပႜဲဂွ္မၢး ပတဝ္ကႜိဳပ္ကုႝ ကဆံင္ေကာန္ဂကူတုပ္သဿဟ္တုဲ သြက္ေသၢာံဓမံက္ပတိုန္ တြဳႝရးဗဿာမြဲဂွ္ေလဝ္ ပါလုပ္ရ။

“ဂြံဓမံက္ပတိုန္ တြဳႝရးဗဿာဂွ္ ျဇဟတ္ဒ႘မဝ္ကေရၿဇ႘တံေလဝ္ တုပ္စိုတ္။ ေဗာ္ပေရင္ဍဳင္ကြာန္ အပႜဲေတံကုႝ ဂေကာံရပ္လြဟ္မၛးဏံ ည႘သဿဟ္ဂွ္ ဒွ္လက္သဏ္ခိုဟ္မြဲေဏာင္။ ယဝ္ဒုင္တဲ ကဆံင္ေကာန္ဂကူ တုပ္သဿဟ္ဗက္ဂွ္ ဒက္ပၲန္ကဿိန္ဍဳင္ဖက္ဒေရဝ္ ေလာဲသြာေဏာင္” သာ္ဝြံ ေဃာန္ဥကၠာ ဟုီရ။

ပႜဲဂိတုအဝ္ဂါတ္ဏံအိုတ္မၢး UNFC ေကုာံ ကမၼတ႘ဓမံက္ပတိုန္ ပေရင္ၐိုဟ္လလမ္ အလုႝအသ႘တံ သြက္ေသၢာံဆုႝဂဗသ႘ကၜ႘ ပေရင္ၐိုဟ္လလမ္ အပႜဲဍဳင္ဇင္မာဲ ႏြံတုဲ လပၚ UNFC ပတိုန္ထၞး တင္သၢဳတ္သြာတ္ ႏူသဘင္သ႘ကၜ႘ဏံေရာင္ ဂြံတီေကတ္ရ။

Posted in: မြန္သတင္းမ်ား