ေကာန္ငၛာ္တံ ေသၢာံဂြံအေခါင္ေဗၲာန္ ဘာသာမိမဂွ္ ညးမခ်႘ဒရာင္ ပေရင္ပညာတံ အာတ္မိက္

ကဵႏူေကၜာန္ဗဒွ္ ေပဲါဓ႐ုီ ပႜဲဍဳင္လၢဳင္ ညးစှး ၐုိတ္ ၂၆၀ တၜ တုိန္စုိပ္တုဲ ညံင္ေကာန္ငၛာ္ ေကာန္ဍဳင္အရင္တံ ေသၢာံဂြံအေခါင္ ေဗၲာန္လိက္ ဘာသာမိမမာန္ဂွ္ ဂေကာံမခ်႘ဓရာင္ သြက္အေခါင္အရာမှိဟ္ သြာင္ပေရင္ပညာ ၄၀ ဂေကာံတံ အာတ္မိက္ပၲဳိန္ထၞး ကုအလုႝအသ႘အုိတ္ရ။

ဂေကာံမခ်႘ဓရာင္ သြက္အေခါင္အရာမှိဟ္တံ ခ်ဴဓဇက္ မူအေၿပာံ ပႜဲေပဲါသ႘ကၜ႘ ဍဳင္လၢဳင္ စႏူစဿတ္တၛဲ အံက္တဝ္ဗာ ၆ စုႝကုႝစုိပ္ ၀၇ ဂွ္တုဲ သြက္ဂြံဒက္ပၲန္ ေသှာတ္ပေရင္ပညာ ဍဳင္ဗဿာ၊ ကိစၥ စပ္ကုႝေဗၲာန္လိက္ ဘာသာေကာန္အရင္၊ သြက္ဂြံဒက္ပၲန္ ေသှာတ္ပေရင္ပညာတဿိဂွ္ ညံင္ဂြံသုင္ေစာဲ ဂလုိင္ပၲဳိန္ၾသန္၊ သြက္ညးဍဳင္ကြာန္တံ ညံင္ဂြံဒွ္ေသှာတ္ပေရင္ပညာ ဟြံမြဲကုႝငၛဳဟ္မးမာန္တံဂွ္ ပၲဳိန္ထၞးဏာ ကုအလုႝအသ႘ရ။

အနာဂတ္ဏံ ပႜဲဍဳင္ဗဿာဂွ္ ဘာသာမိမ ဒးေဗၲာန္ ႏူတန္သၨဳိင္ကုီ ဘာသာသုင္ေစာဲ ပႜဲ႐ုင္ ဘာသာဗဿာကုီ ဘာသာအဂၤလိက္ ဘာသာဂၜးတိကုီ ဒးေဗၲာန္အာအဓိက ပိဘာသာေရာင္ဂွ္ ခ်ဴဓဇက္လဝ္ ပႜဲမူအေျပာံဂွ္ရ။

ေသှာတ္ေဗၲာန္ပညာ ေကာန္ဍဳင္အရင္တံဂွ္ တၜပညာညးတံေဟင္ အုပ္ဓုပ္ေကာပ္ကာဲအာ ပဝ္လၿဇ႘ ပေရင္ပညာညးတံတုဲ ကြးဘာ ႏူတြဳႝရးနာနာတံဂွ္ေလဝ္ အေခါင္တုိန္တကၠသုႝ တုပ္သဿဟ္  ကုကြးဘာဗဿာတံ ဒးႏြံကုီေရာင္ဂွ္ ညးစှးေကာန္ဍဳင္အရင္ ႏူဂေကာံမခ်႘ဓရာင္ သြက္အေခါင္အရာမှိဟ္ ပၲဳိန္ထၞးလဝ္ လညာတ္ညးတံ ပႜဲေပဲါသ႘ကၜ႘ဂွ္အုိတ္ရ။

“ပႜဲတြဳႝရးညးကုညး ေသှာတ္ပေရင္ပညာ ဗုီႏြံပဿိက္ဂွ္ ညးစှးေကာန္ဍဳင္အရင္တံ ပၲဳိန္ထၞးလညာတ္ တုပ္သဿဟ္ဒဿံင္တုဲ ပု႙ထံက္ဂလာန္ဖအုိတ္။ လညာတ္ထံက္ဂလာန္ ဟြံဂြံဂွ္ မြဲေလဝ္ဟြံပါပုဟ္” သာ္ဝြံ ကႜဳိပ္သၠဳိပ္ကြးဘာ ၈၈ မပါလုပ္ ပႜဲေပဲါသ႘ကၜ႘ဂွ္မြဲတၜ ေမန္ကုိဝ္နာင္ ဟုီရ။

“ဘာသာဟုီဂွ္ ဆက္စပ္ဒဿံင္ကုႝ ေယန္သှာင္ကုႝ အခုိက္ကှာေဏာင္။ ဣဏံဂွ္ ကိစၥေဇှာ္မံင္ေဏာင္။ ယဝ္ရဂြံကၜဳင္ အေခါင္ေဗၲာန္လိက္ ဘာသာမိမေတွ္ ဂကူညးတံဂွ္ ညးတံ ေကတ္ကၜဳင္ဂုဏ္စရာဲ သဿးဟြံက အၾကာဂကူမြဲ ကုမြဲဂွ္ေလဝ္ ကၜိဳဟ္ကၜဳင္ ဒုင္စသိုင္ေလပ္ကၜဳင္ေဏာင္” သာ္ဝြံ ညးမဖန္ဗဒွ္ သြက္ေပဲါသ႘ကၜ႘ဂွ္မြဲတၜ ဒံက္တာတိင္ေလြန္ ဟုီထၞးရ။

ၐုိန္ရပု႙ဒွ္ ဂကူတှဟ္ျခာ၊ မံင္မြဲဍဳင္ သုင္မြဲဍာ္ကုီေလဝ္ ဘာသာဂွ္ သြက္ဂြံထိင္ဒဝ္ အခုိက္ကှာေယန္သှာင္သဿးဟြံေသင္ သုီဒွ္ပေရင္အထံက္အ႐ုီကုႝ ဓဝ္ၐုိဟ္လလမ္ ပႜဲဂေကာံမှိဟ္ပု႙တံကုီေရာင္ဂွ္ ညးဆက္ဟုီရ။

ယဝ္ရေကာန္ငၛာ္ေကာန္ဍဳင္အရင္တံ ဂြံေဗၲာန္ ဘာသာမိမဇကုမၢး ပုႝတုဲ ေကက္သကာမာန္ရ။ ယဝ္ရေဍံတံ ကၜဳိဟ္ကၜဳင္ အေရဝ္ဘာသာေဍံတံတုဲမွ ေဗၲာန္အေရဝ္ ဘာသာတှဟ္မၢး ပုႝတုဲေလပ္ေလာဲသြာေရာင္ဂွ္ေလဝ္ ညးဆက္ဟုီရ။

“ပႜဲဍဳင္ပု႙ဂွ္ ဟုိတ္ႏူေကာန္ဍဳင္အရင္ဗြဲမဂၜဳိင္ တန္တဵဒဿံင္တုဲ ညံင္ေသၢာံဂြံ အေခါင္ေဗၲာန္လိက္ ဘာသာညးတံကုီဂွ္ ကိစၥေဇှာ္မံင္ရ။ ယဝ္ရပု႙ ဟြံမိက္ကုႝ ဍဳင္ပၚထကးအာေတွ္ လညာတ္စပ္ကုႝထိင္ဒဝ္ လိက္ပတ္ေယန္သှာင္ဂွ္ ဒးဒုင္တဲေထက္ေရာင္” သာ္ဝြံ ေမန္ကုိဝ္နာင္ ဟုီရ။

ညံင္ကဿိန္ဍဳင္ပု႙ ဂြံဗုိန္ခုိင္ဂွ္ ဂကူမြဲကုမြဲ ပု႙တံ ဒးသၸသမၲီညးသၠအ္တုဲ ဒးဒက္ပၲန္အာ ဓဝ္ပေတွ္ အၾကာညးမြဲ ကုမြဲေရာင္ဂွ္ေလဝ္ ညးဆက္ဟုီရ။

ေသှာတ္ပေရင္ပညာ ပႜဲဍဳင္ဗဿာဂွ္ အၥာတံ အေခါင္ေဗၲာန္လိက္ ဗၜးဗၜးၐးၐး ဟြံမြဲေရာင္ သာ္ဝြံ ညးမဒက္ပၲန္လဝ္ ဌာနပေရင္ပညာ ၿပံင္ဒှာဲ ေကုာံ အာစာ မေဗၲာန္မံင္လိက္ ကုေကာန္ဍဳင္ဗဿာ ပႜဲဍဳင္ဇင္မာဲမြဲတၜ ဒံက္တာတိင္ေလြန္ ဟုီဓမံက္ထၞးရ။

ဟုိတ္ႏူညးတံ ဒးကလင္ဒဿံင္ပဿိင္ ႏူကဆံင္လၲဴေတံဂွ္ရ ဟြံတုပ္ကုႝ နဲကဲေဗၲာန္ပညာ ဍဳင္ေသံရ။ တုဲပၜန္ ကေပါတ္ကရိယာ စပ္ကုႝသုင္ေစာဲ ပႜဲအရာေဗၲာန္လိက္တံေလဝ္ ဟြံဍဳိက္ေပင္သဿးဟြံက ခရိတ္ၾသန္ဂိတု အၥာဘာတံေလဝ္ ေအာန္ေလာန္ေကြံေကြံရ။

ေသှာတ္ေဗၲာန္ပညာ ဍဳင္ေသံဂွ္ စုိပ္မံင္တရဵတုဲ ဇဿာပ္ေကာန္ငၛာ္ ဒးတုိန္ဘာ စုႝကုႝ ၁၁ တန္ကုီေလဝ္ ေသှာတ္ေဗၲာန္ပညာ ဍဳင္ဗဿာဂွ္ ဒုႝကုႝတန္မူလေလဝ္ ဟြံမြဲဏီေရာင္ဂွ္ ညးဟုီရ။

ပႜဲဍဳင္ေသံဂွ္ ကၜာဟြံဂြံ ေဗၲာန္လိက္ဏီ တန္ေဗၲာန္ကြတ္အၥာ ညးတံ ဒးတုိန္လဝ္ကၜာတုဲ ပႜဲအရာေဗၲာန္လိက္ဂွ္ အၥာဘာညးတံ ဍာ္ဒေကဝ္စုိပ္ဒဿံင္ရ။ အၥာဘာ ပႜဲဍဳင္ဗဿာဂွ္ ဍာ္ဒေကဝ္ ဟြံစုိပ္သဿးဟြံက ဗလးတိ သြက္ဂအာင္ဘာတံဂွ္ေလဝ္ ႐ုမ္႐ုမ္ဂပ္ပ္ ဟြံမြဲတုဲ တှဟ္ျခာႏူကုႝ ဍဳင္ေသံအုိတ္ရ။

“ပႜဲအခန္ေဗၲာန္လိက္အဏံ (ဍဳင္ဗဿာ) ဂွ္ မြဲမြဲအခန္ေတွ္ ကြးဘာ ႏြံၐုိတ္ ၈၀ တၜ မြဲတဲ။ ဍဳင္ေသံေတံေတွ္ ၐုိတ္ ၅၀ တၜရေဏာင္ ႏြံ။ ေဗၲာန္လိက္ကြးဘာဂၜဳိင္င္ေတွ္ ေဍံတံ အာ႐ုီေအာန္အာကုႝ လိက္ေဏာင္” သာ္ဝြံ ဒံက္တာတိင္ေလြန္ ဟုီရ။

Posted in: မြန္သမိုင္းမ်ား