ရခိုင် စစ်ဘေးဒုက္ခသည်တွေ အတွက် ပြည်နယ်အစိုးရ နေ အိမ်တွေဆောက်

ရခိုင် စစ်ဘေးဒုက္ခသည်တွေအတွက် ပြည်နယ်အစိုးရက လုံးချင်းနေအိမ်တွေဆောက်လုပ်ပေးနေစဉ်

Photo: Min Thein Aung/ RFA

ရခိုင်ပြည်နယ် မြောက်ဦးမြို့နယ် ကျီရာပြင်ကျေးရွာနဲ့ စေတီတောင်ကျေးရွာမှာရှိနေတဲ့ စစ်ဘေးဒုက္ခသည် တွေကို နီးစပ်ရာကျေးရွာတွေမှာ ပြည်နယ်အစိုးရက လုံးချင်း နေအိမ်တွေဆောက်လုပ်ပြီး နေရာချထားပေးနေပါတယ်။
ပြီးခဲ့တဲ့ နှစ်ရက်လောက်ကစတင်ကာ ဒုက္ခသည်တွေဆန္ဒရှိတဲ့ ကျေးရွာတွေမှာ နေရာချထားပေးနေတာလို့ ကျီရာပြင်ကျေးရွာအုပ်ချုပ်ရေးမှူး ဦးတင်အေးမောင် က ပြောပါတယ်။
"သူတို့နေချင်တဲ့နေရာမှာပဲ ရခိုင်ပြည်နယ် အစိုးရအဖွဲ့ကနေပြီးတော့ အိမ်တွေဆောက်ပေးပါတယ်၊ သူတို့ဇာတိဖြစ်တဲ့ ရွာမပြင်နေရာမှာပဲခင်ဗျ၊ တောင်ဦးဇာတိ ကိုတော့ တောင်ဦးကျေးရွာမှာပဲ မြေကွက်တွေဝယ်ပြီးတော့ ဆောက် လုပ်ပေးပါတယ်ခင်ဗျာ"
ကျီရာပြင်ကျေးရွာမှာရှိတဲ့ စစ်ဘေးဒုက္ခသည် အိမ်ထောင်စု ၂၄ စု အနက် ၁၂ စု ကို မြောက်ဦးမြို့နယ် တောင်ဦး၊ ငစွယ်ကန်၊ ကျောက်တော်မြို့နယ် ရွာမပြင်၊ ပုဏ္ဏားကျွန်းမြို့နယ် သရက်ချို စတဲ့ ကျေးရွာတွေမှာ နေရာချထားပေး တာဖြစ်ပြီး ကျန်တဲ့အိမ်ထောင်စုတွေကတော့ ကျီရာပြင်ကျေးရွာမှာပဲ နေရာချထားပေးတယ်လို့ ပြောပါတယ်။  ဒါ့အပြင် စေတီတောင်ကျေးရွာမှာရှိတဲ့ အိမ်ထောင်စု ၁၆ စု ကိုလည်း စေတီတောင်ကျေးရွာအပြင် သူတို့ ဆွေမျိုးတွေရှိတဲ့ အခြားကျေးရွာတွေမှာ နေရာချထားပေးသလို ကျောက်တော်မြို့နယ် ရွာမပြင် ကျေးရွာ မှာရှိနေတဲ့ အိမ်ထောင်စု ၁၈ စုကိုလည်း ရွာမပြင်ကျေးရွာမှာပဲ မနေ့က အပြီးနေရာချထား ပေးခဲ့တယ်လို့လည်း သိရပါတယ်။
ပြီးခဲ့တဲ့နှစ် ဒီဇင်ဘာလကုန်ပိုင်းက ကျောက်တော်မြို့နယ်မှာ အစိုးရတပ်မတော်နဲ့ ရက္ခိုင့်တပ်မတော် တို့ ဖြစ်ပွားခဲ့တဲ့ တိုက်ပွဲတွေကြောင့် ဘာအီ၊ သံတံတား စတဲ့ ကျေးရွာတွေက ဒေသခံ ၂၀၀ ကျော်ဟာ မြောက်ဦး မြို့နယ် ကျီရာပြင်၊ စေတီတောင်နဲ့ ကျောက်တော်မြို့နယ် ရွာမပြင်ကျေးရွာတွေကို ထွက်ပြေး ခိုလှုံခဲ့ကြရတာပါ။
ဒုက္ခသည်တွေက သူတို့ရဲ့ မူလနေရာကိုပြန်လိုကြပေမယ့် နယ်မြေတည်ငြိမ်မှု မရှိတာကြောင့် အစိုးရက သွားခွင့်မပြုဘဲ နီးစပ်ရာကျေးရွာတွေမှာ အခုလိုနေရာချ ထားပေးတာလို့ သိရပါတယ်။

Read more »

မိုင်းရှူး ဒုက္ခသည် အခြေအနေ စစ်တမ်းကောက်

ရှမ်းပြည်နယ် မိုင်းရှူးမြို့နယ် ဟိုက်ပါကျေးရွာ ဒုက္ခသည်စခန်းမှာ ခိုလှုံနေသူတွေကို တွေ့ရစဉ်

Photo: Kan Thar/RFA

ရှမ်းပြည်နယ်တောင်ပိုင်း မိုင်းရှုးမြို့နယ်က ဟိုက်ပါစစ်ဘေးဒုက္ခသည်စခန်းမှာ ခှိုလှုံနေကြတဲ့ ဒုက္ခသည်တွေရဲ့ နစ်နာဆုံးရှုံးမှုတွေကို လာမယ့် ပြည်သူ့လွှတ်တော် မှာ တင်ပြဖို့အတွက် စစ်တမ်းကောက်ယူနေပါတယ်။
စစ်ဘေးဒုက္ခသည်တွေအရေအတွက်၊ သူတို့ရဲ့ ပိုင်ဆိုင်မှုတွေ ပျက်စီးဆုံးရှုံးခဲ့ရတဲ့ တန်ဖိုးတွေကို ကောက်ယူပြီး ရှမ်းပြည်နယ်ကနေ ရွေးကောက်ပွဲအနိုင်ရ ခဲ့တဲ့ ပြည်သူ့ လွှတ်တော်ကိုယ်စားလှယ်တစ်ဦးက လွှတ်တော်မှာ တင်ပြဖို့ရှိတယ်လို့ အဲဒီဒုက္ခသည် စခန်းကို သွားရောက်ခဲ့တဲ့ ရှမ်းပြည်နယ်အမျိုးသားဒီမိုကရေစီ အဖွဲ့ချုပ်ပါတီ ဥက္ကဌ ဒေါ်ခင်မိုးမိုး က ပြောပါတယ်။
"အချက်အလက်နဲ့ ပတ်သက်ပြီး ကျား၊ မ ကောက်ယူမှု၊ ကလေး၊ လူအိုဦးရေပေါ့နော်၊ နောက်တစ်ခါ ပျက်ဆီးသွားတဲ့တန်ဖိုး၊ သူတို့လိုက်ပြတယ်၊ လာကြည့်ပြီး မှတ်တမ်းယူ ပေးပါဆိုတော့ လက်နက်ကြီး မှန်ထားလို့ ဆိုင်ကယ်က ပျက်ဆီးနေတာတွေ၊ အဲ့ဒါတွေ ကိုလည်း မှတ်တမ်းတွေယူလာတာရှိတယ်၊ ရှမ်းပြည်နယ်က အနိုင်ရထားတဲ့ ပြည်သူ့လွှတ်တော်ကိုယ်စားလှယ်တွေကနေတဆင့် ဒီအချက်အလက် အသေးစိတ်တွေကို တင်ပြပါမယ်"
စစ်ပြေးဒုက္ခသည်တွေကို နေရပ်ပြန်ဖို့ပြောဆိုထားပြီး အတော်များများက ပြန်ကြပေမယ့် တိုက်ပွဲတွေကြောင့် ပျက်စီးသွားတဲ့ ကျေးရွာတချို့က အိမ်ထောင်စု ၂၅၀ ကျော်ကို အဲ့ဒီဒုက္ခသည်စခန်းမှာပဲ အစိုးရက ပြန်လည်နေရာချ ထားပေးထားတယ်လို့ သိရပါတယ်။
အဲ့ဒီဒုက္ခသည်တွေဟာ လက်ရှိမှာ လာရောက်လှူဒါန်းမှုတွေနဲ့ ရပ်တည်နေရပြီး ပြန်လည်ထူထောင်ရေးအတွက် လယ်ယာသုံးပစ္စည်းတွေ၊ အိမ်ဆောက် ပစ္စည်းတွေ လိုအပ်နေတယ်လို့ ပြောပါတယ်။
ဟိုက်ပါစစ်ဘေးဒုက္ခသည်စခန်းကို လွတ်လပ်သောရှေ့နေများအသင်း၊ ရှမ်းတောင် လူငယ်ကွန်ရက်၊ ရှမ်းလူငယ်ကွန်ရက်နဲ့ တောင်ကြီးပန်းချီဆရာအဖွဲ့က အလှူခံပြီး ထောက်ပံ့ကူညီခဲ့ကြတာ ဖြစ်ပါတယ်။
ဟိုက်ပါစစ်ဘေးဒုက္ခသည်စခန်းကို သွားရောက်စစ်တမ်းကောက်ယူခဲ့တဲ့ ရှမ်းပြည်နယ် အမျိုးသားဒီမိုကရေစီ အဖွဲ့ချုပ်ပါတီဥက္ကဌ လွတ်လပ်သောရှေ့နေများ အသင်းက ဒေါ်ခင်မိုးမိုးကို RFA သတင်းထောက် မဝေယံမိုးမြင့် က ဆက်သွယ်မေးမြန်းထားတာ နားဆင်နိုင်ပါတယ်။

Read more »

မြန်မာဌာန | သတင်းများ ကျပ်ငွေ ၅၅ သန်းဖိုး ဓါတုဆေးများ တာချီလိတ်မြို့မှာ ဖမ်းဆီးရမိ

တာချီလိတ်မြို့မှာ ကျပ်သိန်းပေါင်း ၅၅၀ ကျော်တန်ဖိုးရှိတဲ့ မူးယစ်စိတ်ကြွဆေးပြားတွေကို ဇန်နဝါရီလ ၃၁ ရက်နေ့က ဖမ်းဆီးရမိစဉ်

Photo: တာချီလိတ် မူးယစ်တပ်ဖွဲ့

ထိုင်းမြန်မာနယ်စပ်မြို့တစ်မြို့ဖြစ်တဲ့ ရှမ်းပြည်အရှေ့ပိုင်း တာချီလိတ်မြို့မှာ မူးယစ်စိတ်ကြွဆေးပြား ပြုလုပ်ရာမှာအသုံးပြု တဲ့ ကျပ်သိန်းပေါင်း ၅၅၀ ကျော်တန်ဖိုးရှိတဲ့  ဓါတုဆေးတွေကို ဇန်နဝါရီလ ၃၀ ရက်နေ့က မူးယစ်ဆေးဝါးတားဆီးနှိမ် နင်းရေး ပူးပေါင်းတပ်ဖွဲ့တွေက ဖမ်းဆီးရမိခဲ့တယ်လို့ မူးယစ်ရဲအုပ် အောင်ကျော်စိုး က ပြောပါတယ်။
မူးယစ်ဆေးတွေ ဖမ်းဆီးရမိခဲ့တဲ့နေရာကတော့ လာအိုနယ်စပ်နဲ့ နီးစပ်တဲ့ ကျိုင်းလတ်မြို့ဘက်ကနေပြီး တာလေဘက် ကို မောင်းနင်လာတဲ့ ကားလမ်းမပေါ်မှာ စစ်ဆေးဖမ်းဆီးရမိခဲ့တာ ဖြစ်တယ်လို့ မူးယစ်တပ်ဖွဲ့က ရဲအုပ် အောင်ကျော်စိုး က ပြောပါတယ်။

"ကျနော်တို့ နမ့်ကိုင်း နယ်မြေခံတပ်ကနေပြီးတော့  အဲ့ဒီမှာ ပူးပေါင်းဂိတ်ရှိတယ် အဲ့ဒီ ဂိတ်ရဲ့ကီလိုမီတာ ၇ဝ အကွာမှာပေါ့ ကားတစ်စီး ရပ်ထားလို့သွားဖမ်းတာပါ၊ ယာဉ်မောင်းက ထွက်ပြေးသွားပြီးတော့ တစ်ယောက်ကတော့ မိတာပေါ့၊ ကဖင်း ၆၉၄ ကီလိုပေါ့နော်၊ ကဖင်းဆိုတာ စိတ်ကြွဆေးပြားလုပ်တဲ့နေရာမှာ အသုံးပြုတဲ့ ထိန်းချူပ် ထားတဲ့ ဥပဒေအရပစ္စည်းပေါ့၊ ဒီကောင်က တစ်ကီလိုကို ရှစ်သောင်းနဲ့ မြှောက်လိုက်ပေါ့၊ အားလုံးပေါင်း သိန်းငါးရာကျော်ထွက်မှာပေါ့နော်"
ထွက်ပြေးလွတ်မြောက်သွားသူက အသက် ၃၅ နှစ်အရွယ် အိုက်နွန် ဆိုသူ ဖြစ်ပြီး အသက် ၄၅ နှစ်အရွယ် ဦးကျဟား ဆိုသူကိုတော့ မူးယစ်ဆေးတွေနဲ့အတူ ဖမ်းဆီး ရမိခဲ့တယ်လို့ သိရပါတယ်။
လောလောဆယ် သူတို့နှစ်ဦးကို  မိုင်းပါလျိုးနယ်မြေရဲစခန်းက မူးယစ်စေတတ်ပြီး စိတ်ကိုပြောင်းလဲစေတတ်တဲ့ မူးယစ်ဆေး  ပုဒ်မ ၁၅/၁၆ (ခ)/၂၁ အရ အမှုဖွင့် အရေးယူထားတယ်လို့ သိရပါတယ်။
တာချီလိတ်မြို့နယ်အတွင်းမှာ မူးယစ်ဆေးဝါးတွေနဲ့ ရောင်းဝယ်သူတွေကို မကြာခဏ ဖမ်းဆီးရမိပြီး ပြီးခဲ့တဲ့ ၂၀၁၅ ခုနှစ်အတွင်း မူးယစ်ဆေးဝါးအမှုပေါင်း ၁၉၆ မှုနဲ့ လူဦးရေ ၃၁၂ ယောက် ဖမ်းဆီးရမိခဲ့ပြီး မူးယစ်ဆေးထုတ်လုပ်ရာမှာ အသုံးပြုတဲ့ စက်ပစ္စည်း တွေနဲ့အတူ ထိုင်းဘတ်ငွေ သိန်းပေါင်း ၂၇ သိန်းကျော်၊ တရုတ် ယွမ်ငွေ နှစ်သောင်းနီးပါး နဲ့ မြန်မာကျပ်ငွေ သိန်း ၄၀၀ နီးပါးလည်း သိမ်းဆည်းရမိခဲ့တယ်လို့သိရပါတယ်။

Read more »

ဖားကန့်မှာ မြေစာပုံပြိူကျလို့ လူသေဆုံးပြန်

ဖားကန့်မြို့နယ်က စွန့်ပစ်မြေစာပုံမှာ ရေမဆေးကျောက် ရှာနေသူတွေကို တွေ့ရစဉ်

Photo: Kyaw Myo Min/RFA

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု ကုဋေမှော်ရွာအနီးက စုပေါင်းစွန့်ပစ်မြေစာပုံမှာ ဒီကနေ့ မနက်က မြေစာပုံပြိုကျတာကြောင့် ရေမဆေးကျောက်ရှာနေတဲ့ အမျိုးသားတစ်ဦး သေဆုံးခဲ့ပါတယ်။
အဲ့ဒီမြေစာပုံဟာ နေမင်းကမ္ဘာ၊ ဝေအောင်ကမ္ဘာ၊ ရတနာရောင်ခြည် စတဲ့ ကျောက်မျက်တူးဖော်ရေးကုမ္ပဏီ သုံးခု စွန့်ပစ်တဲ့ စုပေါင်းမြေစာပုံဖြစ်တယ်လို့ လုံးခင်းရဲစခန်းမှူး ရဲအုပ် ထင်ကျော်က ပြောပါတယ်။
" နေမင်းကမ္ဘာ၊ ဝေအောင်ကမ္ဘာ၊ ရတနာရောင်ခြည်ရယ် မြေစာပုံက တကြောထဲပေါ့၊ ဖြစ်သွားတာ က နေမင်းကမ္ဘာ ဘက်ခြမ်းက ဖြစ်သွားတာ၊ သေဆုံးတာက တစ်ယောက်ပါခင်ဗျ၊ မြေစာပုံက သိပ်မမြင့်ပါဘူး ခပ်နိမ့်နိမ့်ပါပဲ၊ ပေ ၁ဝဝ လောက်ပဲမြင့်တာ၊ ကုမ္ပဏီတွေကိုလည်း ကျနော်တို့ ညွှန်ကြားထားတာတွရှိ ပါတယ်၊ မြေစာပုံတွေကို သိပ်အမြင့်ကြီးမပစ်ဖို့ နောက်ပြီးတော့ ရေမဆေးဘာတွေလည်း အဲ့မှာအန္တရာယ် ရှိတဲ့နေရာပေါ့၊ ဒါပေမဲ့လည်း မရပါဘူး၊ သွားလာနေကြတာပဲ"
ဖားကန့်မြို့နယ် ဆိပ်မူကျေးရွာအုပ်စု ကန်ခမ် စုပေါင်းမြေစာပုံမှာ ပြီးခဲ့တဲ့နိုဝင်ဘာ ၂၁ ရက်နေ့က ဖြစ်ပွားခဲ့ တဲ့ မြေစာပုံပြိုကျမှုမှာ လူ ၁၁၄ ယောက် သေဆုံးခဲ့ပြီး မကြာခဏ မြေစာပုံပြိုကျမှုတွေ ဖြစ်ပွားနေပါတယ်။
ဖားကန့်ကျောက်စိမ်းတွင်းဒေသမှာ မြန်မာနိုင်ငံအနှံ့က ရွှေ့ပြောင်းလုပ်ကိုင်သူ နှစ်သိန်းဝန်းကျင်ရှိပါတယ်။

Read more »

ကချင်ပြည်နယ်မှာ ဘိန်းစိုက်ဧက ၁၆၀၀ ကျော် ဖျက်ဆီး

ကချင်ပြည်နယ် ဝိုင်းမော်မြို့နယ် ဝေမိုးကျေးရွာအုပ်စု တရုတ်မဂါကျေးရွာအနီးမှာ စိုက်ပျိုးထားတဲ့ ဘိန်းစိုက်ခင်းတွေကို ၂၀၁၆ ခုနှစ် ဇန်နဝါရီ ၉ ရက်နေ့က တပ်မတော်၊ ရဲတပ်ဖွဲ့နဲ့ ဋ္ဌာနဆိုင်ရာဝန်ထမ်းတွေ စုပေါင်းဖျက်ဆီးစဉ်။

Photo: Kyaw Myo Min/RFA

ကချင်ပြည်နယ်မှာ ပြီးခဲ့တဲ့ဇန်နဝါရီလအတွင်း မြစ်ကြီးနား၊ မိုးညှင်းနဲ့ ပူတာအို ခရိုင်အတွင်းက မြို့နယ် ၉မြို့နယ်မှာ ဘိန်းစိုက်ဧက ၁၆၀၀ ကျော်ကို ဖျက်ဆီးနိုင်ခဲ့တယ်လို့ ကချင်ပြည်နယ် ရဲတပ်ဖွဲ့ ဒုတိယရဲမှူးကြီး မြင့်ထူး က ပြောပါတယ်။
ဘိန်းစိုက်ခင်းဖျက်ဆီးမှုတွေနဲ့ ပတ်သက်ပြီး မြစ်ကြီးနားမြို့က ပြည်နယ်ရဲတပ်ဖွဲ့ရုံးမှာ ဒီကနေ့ကျင်းပတဲ့ သတင်းစာရှင်းလင်းပွဲမှာ ဒုတိယရဲမှူးကြီး မြင့်ထူးက ပြောတာဖြစ်ပါတယ်။
"စုစုပေါင်း ၁၆၃၈.၀၃ ဧက၊ မြစ်ကြီးနားခရိုင်မှာဆို ဝိုင်းမော်၊ ချီဖွေ၊  ဆောလော်၊ ပူတာအိုမှာဆိုလည်း ပူတာအို၊ ဆွမ်ပရာဘွမ်၊ အားလုံးဒီဘက်က ၉ မြို့နယ်ပေါ့"
အဲ့ဒီအရေအတွက်ဟာ အစိုးရတပ်မတော်၊ ရဲတပ်ဖွဲ့နဲ့ ဋ္ဌာနဆိုင်ရာတွေအပါအဝင် ကချင်လူမှုအခြေပြု မူးယစ်ဆေးဝါး တိုက်ဖျက်ရေးအဖွဲ့တွေ ဖျက်ဆီးခဲ့တဲ့ ဘိန်းစိုက်ဧကတွေ ဖြစ်ပါတယ်။
ဒီရက်ပိုင်းမှာ ဘိန်းစိုက်ခင်းတွေ ဖျက်ဆီးနေတဲ့ ကချင်လူမှုအခြေပြု မူးယစ်ဆေးဝါးတိုက်ဖျက်ရေးအဖွဲ့တွေဟာ တနိုင်းနဲ့ ဝိုင်းမော်မြို့နယ်အတွင်းမှာ တူးမီးသေနတ်၊ လက်လုပ်မိုင်းစတာတွေနဲ့ တိုက်ခိုက်ခံခဲ့ရတာကြောင့် တစ်ဦး သေဆုံးပြီး လေးဦး ဒါဏ်ရာရရှိခဲ့ပါတယ်။
ကချင်လူမှုအခြေပြု မူးယစ်ဆေးဝါး တိုက်ဖျက်ရေးအဖွဲ့ဝင်တွေက ဘိန်းပင်မဟုတ်တဲ့ စိုက်ပျိုးသီးနှံပင်တွေကို ဖျက်ဆီးသလို လျှပ်စစ်မီးထွန်းရာမှာသုံးတဲ့ ဆိုလာပြားတွေကိုလည်း ယူဆောင်မှုတွေရှိတာကြောင့် မကျေနပ်တဲ့ ဘိန်းစိုက်တောင်သူတချို့က တူမီးသေနတ်နဲ့ ပစ်တာလို့ တနိုင်းဒေသခံတွေက ပြောပါတယ်။ အဲဒီလိုပြောဆိုမှုနဲ့ ပတ်သက်ပြီး အတည်ပြုနိုင်ခြင်း မရှိသေးပါဘူး။
ဘိန်းခင်းဖျက်သူနဲ့ ဘိန်းစိုက်ပျိုးသူတွေကြားမှာ ပဋိပက္ခတွေမဖြစ်စေဖို့အတွက် မြောက်ပိုင်းတိုင်းစစ်ဋ္ဌာနချုပ် တိုင်းမှူး ဗိုလ်ချုပ် ဝင်းဘိုရှိန်ရဲ့ အမိန့်နဲ့ လုံခြုံရေးအင်အားတွေ တိုးမြှင့်ပြီး ဘိန်းခင်းဖျက်ဆီးရေးတွေကို ဆက်လက်ဆောင်ရွက်နေတယ်လို့ သိရပါတယ်။
ပြည်နယ်မူးယစ်ရဲတပ်ဖွဲ့ရဲ့စာရင်းတွေအရ ပြီးခဲ့တဲ့နှစ်က တစ်ပြည်နယ်လုံး အတိုင်းအတာနဲ့ ဘိန်းစိုက်ခင်းဧက သုံးထောင်ကျော် ဖျက်ဆီးနိုင်ခဲ့တယ်လို့ သိရပါတယ်
ကချင်ပြည်နယ် ဝိုင်းမော်မြို့နယ်က ဘိန်းခင်းတွေကို ရဲတပ်ဖွဲ့နဲ့ပူးပေါင်းဖျက်စီးနေတဲ့ ဒေသခံမူးယစ် တိုက်ဖျက်ရေး အဖွဲ့ထဲက လူ ၃ ဦးဟာ မနေ့က မိုင်းတစ်လုံးပေါက်ကွဲတာကြောင့် ဒဏ်ရာရရှိခဲ့ပြီး မြစ်ကြီးနားဆေးရုံမှာ ဆေးဝါး ကုသမှု ခံယူနေရပါတယ်။
ဘိန်းစိုက်ခင်းဖျက်ဆီးတဲ့အထဲမှာ ပါဝင်သူ ဝိုင်းမော်မြို့ခံ ဦးလာရစ် ကို RFA သတင်းထောက် ကိုမျိုးဇော်ကို က ဆက်သွယ်မေးမြန်းထားပါတယ်။

Read more »

မောင်းမကန်ကမ်းခြေ အနီး မြေကွက်ရိုက်ရောင်းချ မှု ဒေသခံတွေ ဆန္ဒပြကန့်ကွက်

မောင်းမကန် ကမ်းခြေပုံ

Photo: photoblog.com

တနသာင်္ရီတိုင်းဒေသကြီး ထားဝယ်ခရိုင် လောင်းလုံမြို့နယ်က မောင်းမကန်ကမ်းခြေအနီးမှာရှိတဲ့ မြေလွတ်မြေ ရိုင်းတွေကို  ထားဝယ်ဖွံ့ဖြိုးတိုးတက်ရေး အများပိုင်ကုမ္ပဏီ DDPC က မြေကွက်ရိုက်ပြီး ရောင်းချနေတာကို ဒေသခံ ၃၀၀ ကျော်က ဒီနေ့ ကန့်ကွက်ဆန္ဒပြကြပါတယ်။

DDPC ကုမ္ပဏီက မြေလွတ်မြေရိုင်း ဧက ၂၅၀ ကျော်ကို လုပ်ပိုင်ခွင့်မရဘဲ မြေကွက်ရိုက်ပြီး ရောင်းချနေ တာ ဖြစ်တယ်လို့ ဆန္ဒပြရာမှာ ပါဝင်တဲ့ မောင်းမကန်ကျေးရွာသား ကိုနိုင်နိုင်ဝင်းက ပြောပါတယ်။
"ဒေသခံတွေက အကြိမ်ကြိမ်လက်မှတ်ထိုးပြီး ကန့်ကွက်ထားတာများကြီးရှိတယ်၊ ကန့်ကွက်ထားတာလည်း အပိုပဲ၊ ၂၅၄ ဧက လုပ်ပိုင်ခွင့်မရဘဲ အဲ့အကွက်တွေ ရောင်းနေတာပေါ့နော်"
အဲဒီမြေလွတ်မြေရိုင်းတွေမှာ မောင်းမကန်ရွာခံတွေက အုန်းခြံ၊ ရာဘာခြံနဲ့ သီဟိုဠ်ခြံတွေ စိုက်ပျိုးလုပ်ကိုင်နေ တာဖြစ်တယ်လို့လည်း သိရပါတယ်။
ဆန္ဒပြသူတွေဟာ မောင်းမကန်ကမ်းခြေအနီးမှာရှိတဲ့ DDPC ကုမ္ပဏီရှေ့မှာ  တရားဝင်မြေယာ လုပ်ပိုင်ခွင့်ရရှိဖို့၊ ဒေသအတွက်  အကျိုးမပြုတဲ့ ကုမ္ပဏီတွေကို အလိုမရှိကြောင်း စာသားပါ ပိုစတာတွေ ကိုင်ဆောင်ပြီး ဆန္ဒပြတောင်းဆိုခဲ့တာဖြစ်ပါတယ်။

မောင်းမကန် ကမ်းခြေပုံ

Photo: photoblog.com

တနသာင်္ရီတိုင်းဒေသကြီး ထားဝယ်ခရိုင် လောင်းလုံမြို့နယ်က မောင်းမကန်ကမ်းခြေအနီးမှာရှိတဲ့ မြေလွတ်မြေ ရိုင်းတွေကို  ထားဝယ်ဖွံ့ဖြိုးတိုးတက်ရေး အများပိုင်ကုမ္ပဏီ DDPC က မြေကွက်ရိုက်ပြီး ရောင်းချနေတာကို ဒေသခံ ၃၀၀ ကျော်က ဒီနေ့ ကန့်ကွက်ဆန္ဒပြကြပါတယ်။

DDPC ကုမ္ပဏီက မြေလွတ်မြေရိုင်း ဧက ၂၅၀ ကျော်ကို လုပ်ပိုင်ခွင့်မရဘဲ မြေကွက်ရိုက်ပြီး ရောင်းချနေ တာ ဖြစ်တယ်လို့ ဆန္ဒပြရာမှာ ပါဝင်တဲ့ မောင်းမကန်ကျေးရွာသား ကိုနိုင်နိုင်ဝင်းက ပြောပါတယ်။
"ဒေသခံတွေက အကြိမ်ကြိမ်လက်မှတ်ထိုးပြီး ကန့်ကွက်ထားတာများကြီးရှိတယ်၊ ကန့်ကွက်ထားတာလည်း အပိုပဲ၊ ၂၅၄ ဧက လုပ်ပိုင်ခွင့်မရဘဲ အဲ့အကွက်တွေ ရောင်းနေတာပေါ့နော်"
အဲဒီမြေလွတ်မြေရိုင်းတွေမှာ မောင်းမကန်ရွာခံတွေက အုန်းခြံ၊ ရာဘာခြံနဲ့ သီဟိုဠ်ခြံတွေ စိုက်ပျိုးလုပ်ကိုင်နေ တာဖြစ်တယ်လို့လည်း သိရပါတယ်။
ဆန္ဒပြသူတွေဟာ မောင်းမကန်ကမ်းခြေအနီးမှာရှိတဲ့ DDPC ကုမ္ပဏီရှေ့မှာ  တရားဝင်မြေယာ လုပ်ပိုင်ခွင့်ရရှိဖို့၊ ဒေသအတွက်  အကျိုးမပြုတဲ့ ကုမ္ပဏီတွေကို အလိုမရှိကြောင်း စာသားပါ ပိုစတာတွေ ကိုင်ဆောင်ပြီး ဆန္ဒပြတောင်းဆိုခဲ့တာဖြစ်ပါတယ်။

Read more »

အစိုးရသစ်လက်ထက်အတွက် ၀န်ထမ်းတွေ စိတ်မပူကြ ဖို့ ဒေါ်အောင်ဆန်းစုကြည် ပြော

့ဒေါ်အောင်ဆန်းစုကြည်နဲ့ သူရဦးရွှေမန်း တို့ ဒီဇင်ဘာလ ၁၇ ရက်နေ့က နေပြည်တော် စည်ပင်ဧည့်ရိပ်သာဝန်းထဲကခန်းမမှာ တာဝန်ရှိသူတွေနဲ့ တွေ့ဆုံစဉ်

Photo: Myo Thant Khaing/RFA

အစိုးရသစ်လက်ထက်မှာ လက်ရှိဝန်ထမ်းတွေကို အလုပ်ကထုတ်ပယ်တာမျိုး လုပ်မှာမဟုတ်သလို၊ ကျောသား ရင်သား မခွဲခြားဘဲ ဆက်ဆံသွားမှာဖြစ်လို့၊ အစိုးရ၀န်ထမ်းတွေအနေနဲ့ စိတ်မပူကြဖို့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ပြောပါတယ်။
ဒီကနေ့ လွှတ်တော်အပြီးမှာ နာယက သူရဦးရွှေမန်းနဲ့ ဒေါ်အောင်ဆန်းစုကြည်တို့ဟာ နေပြည်တော် စည်ပင်ဧည့်ရိပ်သာဝင်းထဲက ခန်းမမှာ ဧည့်ရိပ်သာ တာဝန်ရှိသူတွေ၊ လွှတ်တော်ကိုယ်စားလှယ်တွေအတွက် လုပ်ကိုင်ဆောင်ရွက်ပေးရတဲ့ ၀န်ကြီးဌာနအသီးသီးက အစိုးရ၀န်ထမ်းတွေ၊ လွှတ်တော်ရုံးတာဝန်ရှိသူတွေ နဲ့ တွေ့ဆုံစဉ်မှာ ဒေါ်အောင်ဆန်းစုကြည်က ပြောကြားခဲ့တာဖြစ်ပါတယ်။
ဒါ့အပြင် အောက်ခြေ၀န်ထမ်းတွေအနေနဲ့ အထက်လူကြီးတွေရဲ့ ယုံကြည်မှုကို အလွဲသုံးစားမလုပ်ဖို့၊ အစိုးရဝန်ထမ်းတွေအနေနဲ့ အန်အယ်လ်ဒီပါတီက လွှတ်တော်ကိုယ်စားလှယ်တွေကို ကြောက်ဖို့မလိုကြောင်း လည်း ဒေါ်အောင်ဆန်းစုကြည်က ပြောကြားခဲ့ပါတယ်။

Read more »