ဟင်္သာတို့ရဲ့…..နေ့

ကောင်းကင်ညိုညို
တိမ်တိုက်လူးလွင့်
မိုးစက်ပွင့်တို့.....ကြွေ။

မိုးသည်းပေမဲ့
အနာဂတ်ကြယ်တို့  လင်းလက်ခိုနား
ရာမညဌာနေ  တက္ကသိုလ်မြေမှာ
တနင်္လာနေ့ဆို  သူသူငါငါ
ပုဆိုးနီနီ အင်္ကျီဖြူကို
ဆင်မြန်းကြသမို့
ငါတို့လူမျိုး  မျိုးရိုးဂုဏ်ကို
ပြခဲ့ကြတယ်။ ။

မိုးကုန်ဆောင်းအကူး
မြူမှုန်အုပ်ဆိုင်း
နှင်းစက်ပွင့်တို့....ဝေ။

အအေးလွန်ပေမဲ့
အနာဂတ်ကြယ်တို့  မှေးစက်ခိုနား
ရာမညဌာနေ  တက္ကသိုလ်မြေမှာ
တနင်္လာနေ့ဆို  သူသူငါငါ
ပုဆိုးနီနီ အင်္ကျီဖြူကို
ဆင်မြန်းကြသမို့
ငါတို့လူမျိုး ဖြူစင်နှလုံးသား
ရဲရင့်သွေးကို
ပြခဲ့ကြတယ်။ ။

ဆောင်းနှင်းပြယ်သော်
ကံ့ကော်ရနံ့ သင်းမြမြ
တကိုယ်တည်းဥသြ
လွမ်းတေးလေး….ဆို။ ။

နေရှိန်ပူပြင်း
အိုက်စပ်ပေမဲ့
အနာဂတ်ကြယ်တို့  ပျော်ပါးခိုနား
ရာမညဌာနေ တက္ကသိုလ်မြေမှာ
တနင်္လာနေ့ဆို သူသူငါငါ
ပုဆိုးနီနီ အင်္ကျီဖြူကို
ဆင်မြန်းကြသမို့
ငါတို့လူမျိုး  ယဉ်ကျေးမှုကို
ပြခဲ့ကြတယ်။ ။

Posted in: ကဗျဂတာပ်ခေတ်